ភ្នំពេញ ៖ ថ្មីៗនេះ មានជនអនាមិកបានបង្កើតគណនេយ្យ និងក្រុមទំនាក់ទំនងការងារតាមប្រព័ន្ធ Telegram ដោយប្រើប្រាស់រូបថត ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងបានធ្វើការទំនាក់ទំនងទៅអង្គភាពចំណុះបញ្ជាការដ្ឋានកងទ័ពជើងទឹក នៃអគ្គបញ្ជាការដ្ឋានកងយោធពលខេមរភូមិន្ទ ក្រសួងការពារជាតិ ក្នុងគោលបំណងទុច្ចរិតធ្វើឲ្យមានការភ័ន្តច្រឡំ បំផុសបំផុល នាំឲ្យមានចលនាក្នុងជួរកងកម្លាំងប្រដាប់អាវុធ។ នេះបើយោងតាមសេចក្តីព័ត៌មានរបស់អ្នកនាំពាក្យអគ្គស្នងការដ្ឋាននគរបាលជាតិ។ ពាក់ព័ន្ធនឹងករណីនេះ អ្នកនាំពាក្យនៃអគ្គស្នងការដ្ឋាននគរបាលជាតិ សូមបញ្ជាក់ជូនសាធារណជន អ្នកសារព័ត៌មានជាតិ និងអន្តរជាតិ ជ្រាបថា ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ពុំធ្លាប់បង្កើតគណនេយ្យ ឬជាម្ចាស់ ឬជា Admin. ក្រុមការងារណាមួយ តាមប្រព័ន្ធ Telegram ដើម្បីធ្វើការទំនាក់ទំនងការងារ ឬបញ្ជាដឹកនាំដល់អង្គភាពចំណុះអគ្គបញ្ជាការដ្ឋាន កងយោធពលខេមរភូមិន្ទ នៃក្រសួងការពារជាតិឡើយ។ អ្នកនាំពាក្យនៃអគ្គស្នងការដ្ឋាននគរបាលជាតិ សូមធ្វើការច្រានចោលទាំងស្រុងនូវរាល់ព័ត៌មានដែលពាក់ព័ន្ធដល់ការប្រើប្រាស់គណនេយ្យដែលមានប្រើរូបថត និងឈ្មោះ ឯកឧត្តម នាយឧត្តមសេនីយ៍ នេត សាវឿន តាមប្រព័ន្ធ Telegram ក្នុងការបញ្ជាដឹកនាំ ឬដោះស្រាយការងារផ្សេងៗពាក់ព័ន្ធដល់យុត្តាធិការនៃកងយោធពលខេមរភូមិន្ទ។ អាស្រ័យដូចបានជម្រាបជូនខាងលើ […]
Month: December 2020
ចិនធ្វើតេស្តរកវីរុសកូវីដ-១៩ លើមនុស្សជាង២៥ម៉ឺននាក់ បន្ទាប់ពីមានករណីឆ្លងជាចង្កោមថ្មីលេចឡើង
ចិន ៖ ប្រទេសចិនបានធ្វើតេស្តរកវីរុសកូវីដ-១៩ លើមនុស្សជាង២៥ម៉ឺននាក់ បន្ទាប់ពីករណីឆ្លងថ្មីមួយចំនួនត្រូវបានរកឃើញនៅទីក្រុងឆេងឌូ ស្ថិតនៅភាគខាងត្បូងប្រទេសចិន។ ក្រុមមន្ត្រីសុខាភិបាលមូលដ្ឋានបាននិយាយថា គូស្វាមីភរិយាវ័យចំណាស់មួយគូត្រូវបានធ្វើតេស្តវិជ្ជមានវីរុសកូវីដ-១៩ នៅដើមសប្ដាហ៍នេះ ហើយអាជ្ញាធរកំពុងតាមរកអ្នកដែលបានប៉ះពាល់ពួកគេ និងកំពុងធ្វើតេស្តសំណាកដែលយកចេញពីចំណីអាហារ។ ក្រុមមន្ត្រីថា ដានវីរុសកូវីដ-១៩ ត្រូវបានរកឃើញនៅលើម្ហូបអាហារដែលទុកនៅក្នុងទូរទឹកកករបស់គូស្វាមីភរិយាចំណាស់នោះ និងនៅលើជ្រញ់នៅក្នុងផ្ទះល្វែងរបស់ពួកគេ។ គណៈកម្មការសុខាភិបាលក្រុងឆេងឌូ បានប្រកាសថា គិតត្រឹមថ្ងៃអង្គារ អ្នកស្រុកចំនួន ២៥៥.២០០នាក់នៅក្នុងទីក្រុងនេះត្រូវបានធ្វើតេស្តរកវីរុសកូវីដ-១៩ ដោយមានករណីវិជ្ជមានចំនួន៦នាក់។ យោងតាមអាជ្ញាធរមូលដ្ឋានសាលារៀន និងថ្នាក់មតេយ្យក្នុងសង្កាត់ពិឌូ (Pidu) ជាកន្លែងដែលករណីឆ្លងបានលេចឡើងនោះ ត្រូវបានបិទ ហើយសិស្ស និងគ្រូបង្រៀនត្រូវបានដាក់ឲ្យនៅក្រោមវិធានការចត្តាឡីស័ក និងធ្វើតេស្តរកវីរុសនេះ។ អង្គការសុខភាពពិភពលោកបានប្រកាសថា បច្ចុប្បន្ននេះមិនមានព័ស្ដុតាងណាមួយដែលបញ្ជាក់ថា មនុស្សអាចឆ្លងវីរុសកូវីដ-១៩ ពីចំណីអាហារ ឬកញ្ចប់ម្ហូបអាហារឡើយ៕
ដកហូតម៉ូតូ២០គ្រឿងក្នុងប្រត្តិបត្តិការឆែកឆេរកន្លែងបញ្ចាំចំនួនបីទីតាំង
សៀមរាប៖កម្លាំងនគរបាលព្រហ្មទណ្ឌកម្រិតស្រាលកាលពីរសៀលថ្ងៃទី៨ខែធ្នូឆ្នាំ២០២០នេះបានសហការណ៍ជាមួយកម្លាំងនគរបាលមូលដ្ឋានចុះឆែកឆេរទីតាំងបញ្ចាំគ្មានច្បាប់ចំនួន៣កន្លែងដកហូតម៉ូតូមិនមានលិខិតសម្គាល់ចំនួន២០គ្រឿង។ លោកវរសេនីយ៍ឯកហង្សសូផាតភីរម្យនាយការិយាល័យនគរបាលព្រហ្មទណ្ឌកម្រិតស្រាលបានឱ្យដឹងថា ការបង្ក្រាបនេះគឺ មានការសហករណ៍ជាមួយ អធិការនគរបាលក្រុង ប៉ុស្តិ៍នគរបាល សង្កាត់ទឹកវិល និងប៉ុស្តិ៍នគរបាលសង្កាត់គោកចក។ ក្នុងនោះសង្កាត់ទឹកវិលចំនួនពីរទីតាំងដែលគ្មានច្បាប់និងអញ្ញាប័ណ្ណទទួលបញ្ចាំ ។ ទីតាំង ទីមួយ ម្ចាស់ ឈ្មោះ ទែន សុភិន ភេទស្រីអាយុ៣៦ឆ្នាំ និងប្ដី ឈ្មោះដួងហេងអាយុ ៤៨ឆ្នាំ ស្ថិតនៅភូមិ ប្រិយ៍ចាស់ សង្កាត់ ទឹកវិល ក្រុងសៀមរាប ដកហូតម៉ូតូ បានចំនួន ៧គ្រឿងដែល ខុស ប្រក្រតី។ ទីតាំង ទី២ម្ចាស់ ឈ្មោះ ស៊ីម ប៊ុនណាត ភេទស្រីអាយុ៤៨ឆ្នាំ មានទីតាំង នៅភូមិជ័យ សង្កាត់ ទឹកវិល ក្រុងសៀមរាប ដក ហូត ម៉ូតូ ខុស ប្រក្រតី ចំនួន ៣គ្រឿង។ ឯទីតាំង ទី៣មានម្ចាស់ ឈ្មោះ ស៊ឹង […]
អភិបាលខេត្តកណ្ដាល បញ្ជាឲ្យផ្អាកដំណើរការបណ្ដោះអាសន្នផ្សារបឹងខ្យាង
ខេត្តកណ្តាល ៖ អភិបាលខេត្តកណ្ដាល បានបញ្ជាឲ្យអាជ្ញាធរផ្អាកដំណើរការផ្សារបឹងខ្យាង និង វត្តវិហារត្រាញ់ ជាបណ្ដោះអាសន្ន ដើម្បីធានាថា ប្រជាពលរដ្ឋទាំងអស់មិនមានឆ្លងជំងឺកូវីដ១៩។ នេះបើយោងតាមផេក របស់ឯកឧត្តម គង់ សោភ័ណ្ឌ អភិបាលខេត្តកណ្ដាល បានបង្ហោះសារនៅយប់ថ្ងៃទី០៨ ខែធ្នូ នេះ។ ការបិទដំណើរការផ្សារខាងលើនេះ ក្រោយពីអភិបាលខេត្តកណ្ដាល ប្រធានមន្ទីរសុខាភិបាលខេត្ត និងក្រុមការងារ បានចុះត្រួតពិនិត្យ និងបញ្ជារឲ្យស្រាវជ្រាវរកអ្នកពាក់ព័ន្ធនឹងក្រុមគ្រួសាររបស់លោកស្រី អៀម ធីតា ដែលមានលទ្ធផលវិជ្ជមានវីរុសកូវីដ១៩ ដែលមានជាប់ពាក់ព័ន្ធនឹងព្រឹត្តិការណ៍សហគមន៍ ២៨ វិច្ឆិកា នៅមណ្ឌលចត្តាឡីស័ក ស្រុកកណ្ដាលស្ទឹង។ យោងរបាយការណ៍របស់ក្រុមគ្រូពេទ្យ អ្នកពាក់ព័ន្ធដោយផ្ទាល់មានចំនួន០៧នាក់ និងដោយប្រយោលចំនួន៣៧នាក់ ពួកគាត់បានទៅធ្វេីតេស្តរកមេរោគកូវីដ-១៩ នៅមន្ទីរពេទ្យបង្អែកជ័យជំនះ ក្រុងតាខ្មៅ និងបានធ្វើចត្តាឡីស័កនៅតាមមណ្ឌលចត្តាឡីស័កដែលរដ្ឋបាលខេត្តបានរៀបចំ បានយ៉ាងត្រឹមត្រូវតាមវិធានរបស់ក្រសួងសុខាភិបាល រួចហើយ។ ចំពោះទីកន្លែងដែលជាប់ពាក់ព័ន្ធ ក្រុមគ្រូពេទ្យបានបាញ់ថ្នាំសំលាប់មេរោគ និងបានធ្វើការអប់រំណែនាំដល់ប្រជាពលរដ្ឋចូលរួមសហការជាមួយអាជ្ញាធរ និងក្រុមគ្រូពេទ្យ បើបានដឹងខ្លួនថាមានជាប់ពាក់ព័ន្ធ សូមអញ្ជើញទៅធ្វើតេស្ត និងមិនត្រូវមានការភ័យខ្លាចជ្រុល ឬជ្រួលច្របល់ឡើយ៕
ពលរដ្ឋព្រួយបារម្ភពីការបាក់ស្ពានឈើដែលរថយន្តធំៗឆ្លងកាត់ផ្ទុកលើសទម្ងន់
សឹ្ទងត្រែងៈប្រជាពលរដ្ឋរស់នៅឃុំចម្ការលើស្រុកថាឡាបរិវ៉ាត់ខេត្តស្ទឹងត្រែងមានការព្រួយបារម្ភពីការបាក់ស្ពានដោយមើលឃើញថាមានរថយន្តខ្នាតធំដឹកជញ្ជូនដំឡូងមីស្រស់ឆ្លងកាត់ស្ពានឈើមួយកន្លែងជារៀងរាល់ថ្ងៃ។ រថយន្តទាំងនោះផ្ទុកលើសទម្ងន់ហួសពីទម្រស្ពានឈើដែលសាងសង់នៅក្នុងឃុំ។ក្រៅពីស្ពានឈើមួយនោះក៏នៅមានស្ពានឈើមួយទៀតបាក់ស្រុតហើយជួសជុលស្ទើររាល់ឆ្នាំ។ ប្រជាពលរដ្ឋបានអត្អូញត្អែរថាៈបើនៅតែបណ្ដែតបណ្ដោយឱ្យរថយន្តដឹកជញ្ជូនដំឡូងមីផ្ទុកលើសទម្ងន់ឆ្លងកាត់មិនមានដាក់របាំងហាមឆ្លងកាត់ទេនោះវានឹងអាចធ្វើឱ្យស្ពានបាក់ស្រុតក្នុងពេលឆាប់ៗខាងមុខនេះជាពុំខាន។ប្រជាពលរដ្ឋបានប្រាប់ឱ្យដឹងថាស្ពានឈើតូចធំមួយចំនួននៅក្នុងឃុំចម្ការលើនៃស្រុកថាឡាបរិវ៉ាត់ពេលមានរថយន្តដឹកធ្ងន់បើកឆ្លងកាត់ធ្វើឱ្យញ័ររញ្ជួយដែលអាចឈានដល់ការខូចខាតឬអាចនឹងបាក់ស្រុត។ក្នុងនោះថែមទាំងធ្វើឱ្យផ្លូវប្រព័ន្ធលូរងការខូចខាតជាច្រើនកន្លែង។ គេសង្កេតឃើញមានការជួសជុលរាល់ឆ្នាំដោយសារតែការខូចខាតស្ពានដែលបណ្ដាលមកពីរថយន្តធំៗដឹកឆ្លងកាត់ផ្លូវក្នុងឃុំចម្ការលើ។ប្រជាពលរដ្ឋស្នើសុំដល់អាជ្ញាធរមូលដ្ឋានជាពិសេសលោកអភិបាលស្រុកថាឡាបរិវ៉ាត់ចាន់វិធានការទប់ស្កាត់រថយន្តប្រភេទធ្ងន់បើកឆ្លងកាត់ភូមិសាស្ត្រផ្លូវលូស្ពានឃុំចម្ការលើផង។ បើពុំនោះទេវានឹងអាចធ្វើឱ្យខូចផ្លូវខូចប្រព័ន្ធលូបាក់ស្រុតស្ពាននាំឱ្យខាតបង់ប្រាក់ជាពុំខានឡើយ។ប្រជាពលរដ្ឋដែលរស់ក្បែរស្ពានបានបញ្ជាក់ថាស្ពានឈើមួយចំនួនជាថវិកាឃុំនិងសប្បុរសជនព្រមទាំងអ្នកភូមិអ្នកស្រុកបានចូលរួមបដិភាគគ្នារួមចំណែកក្នុងការអភិវឌ្ឍន៍កសាងស្ពានឈើនេះសម្រាប់ការធ្វើដំណើរនិងជញ្ជូនផលដំណាំផ្សេងៗតាមគោយន្តតូចៗប៉ុណ្ណោះ។តែឈ្មួញដែលទៅប្រមូលទិញដំឡូងមីដឹកជញ្ជូនតាមរថយន្តធុនធំទៅធ្វើឱ្យប៉ះពាល់ដល់ផ្លូវលូនិងស្ពាន។ បើមិនមានវិធានការទប់ស្កាត់កាត់នៅតែបណ្តែតបណ្តោយបន្តទៀតមិនយូរទេស្ពានឈើទាំងនោះនិងបាក់ស្រុតរងការខូចខាតអស់ជាក់ជាពុំខាន។លោកព្រះហែមមេឃុំចម្ការលើបានប្រាប់ឱ្យដឹងថាបញ្ហារថយន្តដឹកជញ្ជូនដំឡូងមីធុនធំបើកបរឆ្លងកាត់លើស្ពានឈើរបស់ឃុំលោកនឹងកោះហៅមេភូមិនិងរដ្ឋបាលប៉ុស្តិ៍ប្រជុំដើម្បីទប់ស្កាត់រឿងនេះ។ លោកមេឃុំចម្ការលើបានបញ្ជាក់ប្រាប់ទៀតថាអាជ្ញាធរមានគម្រោងរៀបចំធ្វើខ្លោងទ្វារនៅតាមក្បាលស្ពាននីមួយៗដើម្បីកុំឱ្យរថយន្តតទ្រុងខុសលក្ខណ:បច្ចេកទេសដឹកជញ្ជូនដំឡូងមីឆ្លងកាត់លើស្ពានបាន ៕
ឧកញ៉ាឡេងណាវ៉ាត់ត្រានឹងបរិច្ចាគប្រាក់ចំនួន១លានដុល្លារដើម្បីទិញវ៉ាក់សាំងកូវីដ១៩
ភ្នំពេញ៖ ដើម្បីចូលរួមការពារនិងទប់ស្កាត់ជំងឺរាតត្បាត ដ៏កាចសារហាវកូវីដ១៩លោកឧកញ៉ា ឡេងណាវ៉ាត់ត្រាម្ចាស់បុរីឡេងណាវ៉ាត់ត្រានិងជាម្ចាស់ផលិតកម្ម”ឡេងណាវ៉ាត់ត្រា”បានប្រកាសបរិច្ចាគថវិកាផ្ទាល់ខ្លួនជូនសម្ដេចតេជោហ៊ុនសែនចំនួន១លានដុល្លារដើម្បីសម្រាប់ទិញវ៉ាក់សាំងជំងឺកូវីដ១៩ ចាក់ជូនប្រជាពលរដ្ឋងាយរងគ្រោះ។នេះបើយោងតាម ផេកផ្លូវការរបស់លោកឧកញ៉ាឡេងណាវ៉ាត់ត្រា បានpostនៅយប់ទី៧ខែធ្នូឆ្នាំ២០២០។ លោកឧកញ៉ាបានលើកឡើងថា៖”ខ្ញុំបាទនិងក្រុមគ្រួសារត្រៀមបរិច្ចាគថវិកាជូនសម្ដេចតេជោហ៊ុនសែន ចំនួន១លានដុល្លារអាមេរិកដើម្បីទិញវ៉ាក់សាំងចាក់ជូនប្រជាពលរដ្ឋងាយរងគ្រោះសូមឱ្យប្រទេសយើងឆ្លងផុតនៅទុក្ខលំបាកនេះ”៕
ដំណឹងល្អ៖កម្ពុជាត្រៀមថវិកាទិញវ៉ាក់សាំងកូវីដ១៩ដើម្បីចាក់ជូនពលរដ្ឋឥតគិតថ្លៃ
ភ្នំពេញ៖សម្តេចតេជោ ហ៊ុន សែនបានណែនាំឱ្យក្រសួងសុខាភិបាលនិងក្រសួងសេដ្ឋកិច្ចត្រៀមថវិកា ដើម្បីទិញវ៉ាក់សាំងជំងឺកូវីដ១៩ដើម្បីចាក់ជូនប្រជាពលរដ្ឋដោយឥតគិតថ្លៃ។ នេះបើយោងតាមសម្តេចតេជោហ៊ុនសែនបានបញ្ជាក់លើហ្វេសប៊ុកនៅល្ងាចថ្ងៃទី៧ខែធ្នូឆ្នាំ២០២០នេះថា៖”កន្លងមកជាមួយនិងការតាមដាននូវដំណើរការផលិតវ៉ាក់សាំងប្រឆាំងកូវីដ១៩របស់ប្រទេសនានាខ្ញុំបានណែនាំរដ្ឋមន្ត្រីក្រសួងសុខាភិបាលនិងរដ្ឋមន្ត្រីក្រសួងសេដ្ឋកិច្ចហិរញ្ញវត្ថុឱ្យត្រៀមបម្រុងថវិកាសម្រាប់ទិញវ៉ាក់សាំងនេះយកមកចាក់ជូនប្រជាជនយើងដោយឥតគិតថ្លៃជាជំហានដំបូង”។ សម្តេចតេជោ៖”ពេលនេះប្រទេសមួយចំនួនផលិតបាននិងដាក់ឱ្យប្រើប្រាស់ហើយនិងកំពុងបញ្ចេញលក់ឱ្យប្រទេសនានាផងដែរ។ល្ងាចនេះខ្ញុំបានណែនាំឱ្យរដ្ឋមន្ត្រីក្រសួងសុខាភិបាលពិភាក្សាជាមួយដៃគូអភិវឌ្ឍន៍ពិសេសអង្គការសុខភាពពិភពលោកដើម្បីកំណត់ថាតើយើងគួរទិញវ៉ាក់សាំងពីប្រទេសណា?” សម្តេចតេជោក៏បានបញ្ជាក់ថា៖សម្តេចបានណែនាំរដ្ឋមន្ត្រីក្រសួងសេដ្ឋកិច្ចហិរញ្ញវត្ថុត្រៀមថវិកាសម្រាប់ការទិញ១លានដូសក្នុងដំណាក់កាលដំបូងដើម្បីចាក់ជូនចំពោះអ្នកដែលធ្វើការនៅកន្លែងដែលមានហានិភ័យខ្ពស់និងអ្នកដែលមានហានិភ័យ។មួយលានដូសចាក់បានត្រឹមតែមនុស្ស៥០ម៉ឺននាក់ប៉ុណ្ណោះព្រោះម្នាក់ត្រូវការចាក់២ដង។ក្នុងពេលយើងមានប្រជាជន១៦លាននាក់ទាំងចាស់ទាំងក្មេងដែលក្នុងនោះអាចមានមនុស្សប្រមាណ១០លាននាក់ត្រូវការចាក់វ៉ាក់សាំង។ សម្តេចតេជោនាយករដ្ឋមន្ត្រីបានលើកឡើងថា៖ក្នុងស្ថានភាពដែលកម្ពុជានៅក្រខ្វះថវិកាសម្រាប់ទិញបន្ថែម សម្តេចបានណែនាំរដ្ឋមន្ត្រីទាំង២រូបឱ្យពិភាក្សាជាមួយដៃគូអភិវឌ្ឍន៍ទាំងទ្វេភាគីទាំងពហុភាគី ដើម្បីស្វែងរកជំនួយបន្ថែមមកជួយដល់ប្រជាជន។ សម្តេចតេជោ៖សង្ឃឹមថាដៃគូអភិវឌ្ឍន៍នឹងផ្តល់ជំនួយដល់ប្រជាជនឬយ៉ាងហោចលក់ក្នុងតម្លៃថោកសមរម្យ។ក្នុងនោះក្រសួងសេដ្ឋកិច្ចហិរញ្ញវត្ថុត្រៀមថវិកាសម្រាប់២ទៅ៣លានដូសថែមទៀតសម្រាប់ទិញវ៉ាក់សាំងការពារកូវីដ១៩នេះ៕
ក្រសួងសុខាភិបាលពន្យល់ថា៖ចំពោះជំងឺកូវីដ១៩គឺអាចឆ្លងតាមក្រដាសប្រាក់យ៉ាងលឿនបំផុត
ភ្នំពេញ៖លោកស្រីឱវណ្ឌឌីនអ្នកនាំពាក្យក្រសួងសុខាភិបាលកាលពីរសៀលថ្ងៃទី៦ខែធ្នូឆ្នាំ២០២០បានចេញពន្យល់ជាថ្មីម្ដងទៀតថា៖ជំងឺកូវីដ-១៩ក៏អាចឆ្លងតាមក្រដាសប្រាក់បានដែរហើយការឆ្លងនេះគឺលឿនជាទីបំផុត។ លោកស្រីឱវណ្ឌឌីនបានអះអាងថា៖ប្រសិនបើអ្នកជំងឺកូវីដ-១៩កាន់ក្រដាសប្រាក់នោះរួចហុចបន្ដទៅអ្នកដ៏ទៃទៀត។នៅពេលអ្នកនោះចាប់កាន់លុយនិងដៃមកប៉ះច្រមុះមាត់ឬភ្នែកជាដើមនឹងធ្វើឱ្យឆ្លងជំងឺកូវីដ-១៩ជាក់ជាមិនខាន។លោកស្រីបានបន្តថាៈការឆ្លងនេះតាមរយៈទឹករំអិលផ្លូវដង្ហើមដូចជាសំបោរឬស្លេសទឹកមាត់។ អ្នកនាំពាក្យក្រសួងសុខាភិបាល បានពន្យល់យ៉ាងដូច្នេះថា៖ប្រសិនបើបុគ្គលដែលមានវីរុសកូវីដ-១៩ យកដៃគាត់ជូតទឹករំអិលផ្លូវដង្ហើម ដូចជាសំបោរ ឬស្លេសទឹកមាត់ ឬយកដៃខ្ទប់មាត់ពេលក្អកកណ្តាស់ ។យើងមិនបានលាងដៃនឹងសាប៊ូឬអាល់កុលឬទឹកជែលសម្រាប់លាងដៃភ្លាមៗទេនោះរួចយកដៃនោះមកកាន់ក្រដាសប្រាក់គឺវីរុសកូវីដ-១៩នឹងតោងលើក្រដាសប្រាក់។ ក្រដាសប្រាក់នោះបានហុចបន្តទៅបុគ្គលម្នាក់ទៀត នៅពេលដែលបុគ្គលនោះ ចាប់កាន់ក្រដាសប្រាក់ វីរុសកូវីដ-១៩ នឹងតោងមកដៃបុគ្គលនោះហើយបុគ្គលនោះយកដៃដែលកាន់ក្រដាសប្រាក់មានវីរុសនេះ មកប៉ះច្រមុះមាត់ភ្នែកជាដើម។ធ្វើឱ្យមានការចម្លងបានលឿនជាទីបំផុតបន្ទាប់មកក៏មានការចម្លងបន្តៗគ្នា ប្រសិនបើមិនបានលាងដៃ ពាក់ម៉ាស់ និងមានគម្លាតសុវត្ថិភាពបុគ្គលពីមួយម៉ែត្រកន្លះឡើងទៅ។ ក្រសួងសុខាភិបាលក៏បានបញ្ចេញវីដេអូចំនួន៥ឃ្លីបបង្ហាញពីការការចម្លងវីរុសកូវីដ-១៩។ដើម្បីឱ្យប្រជាពលរដ្ឋបានយល់ដឹងកាន់តែច្បាស់ហើយការពារបានត្រឹមត្រូវនិងបានគ្រប់ៗគ្នា។ដើម្បីបញ្ចៀសបាននូវការចម្លងក្នុងសហគមន៍ទ្រង់ទ្រាយធំនិងកាត់ផ្តាច់ខ្សែចម្លងបន្តគ្នានៅក្នុងពេលបច្ចុប្បន្ននេះបានផងដែរ។ សូមរំលឹកថាពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា ក្រសួងសុខាភិបាលបានបញ្ជាក់ថា គិតពីថ្ងៃទី២៩ ខែវិច្ឆិកាដល់ថ្ងៃទី៥ខែធ្នូឆ្នាំ២០២០ក្រសួងបានធ្វើតេស្តអ្នកប៉ះពាល់សរុបទាំងអស់ចំនួន ១០.៧៧២សំណាក។ក្នុងចំនួននេះ មានអ្នកជំងឺវិជ្ជមានវីរុសកូវីដ-១៩ ថ្មី ចំនួន៣០នាក់ ដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរ សូវៀត និងមណ្ឌលសុខភាពចាក់អង្រែ។ ម្យ៉ាងវិញទៀតសូមអ្នកដែលប៉ះពាល់នឹងព្រឹត្តិការណ៍សហគមន៍២៨វិច្ឆិកាទាំងអស់អញ្ជើញមកធ្វើតេស្តលេកទី២ នៅថ្ងៃទី៨ ខែធ្នូ ឆ្នាំ២០២០ ។គិតត្រឹមម៉ោង៧ព្រឹកថ្ងៃទី៦ ខែធ្នូ ឆ្នាំ២០២០នេះ កម្ពុជាបានរកឃើញអ្នកឆ្លងកូវីដ១៩ សុរបចំនួន ៣៤៦នាក់។ ក្នុងនោះព្យាបាលជាសះស្បើយ ៣០៦នាក់ និងកំពុងសម្រាកនៅមន្ទីរពេទ្យចំនួន៤០នាក់៕
កម្លាំងអាវុធហត្ថចាប់រថយន្តដឹកឈើ៥គ្រឿងចេញពីខេត្តស្ទឹងត្រែង
ស្ទឹងត្រែង៖កាលពីថ្ងៃទី៦ខែធ្នូឆ្នាំ២០២០កម្លាំងកងរាជអាវុធហត្ថលើផ្ទៃប្រទេសបានសហការជាមួយអាវុធហត្ថខេត្តក្រចេះដែលដឹកចេញពីខេត្តស្ទឹងត្រែង។ប្រភពព័ត៌មានពីខេត្តក្រចេះបានឱ្យដឹងថា៖រថយន្តដឹកគ្រឿងសង្ហារឹម៥គ្រឿងចេញពីខេត្តស្ទឹងត្រែងត្រូវកម្លាំងកងរាជអាវុធហត្ថចាប់បាននៅត្រង់អូរព្រះឃុំអូរគ្រៀងស្រុកសំបូរខេត្តក្រចេះលើដងផ្លូវជាតិលេខ៧។ ក្រោយពីចាប់បានភ្លាមខាងកម្លាំងអាវុធហត្ថប្រគល់ជូនឱ្យរដ្ឋជំនាញរដ្ឋបាលព្រៃឈើអូរគ្រៀងការចាត់វិធានការតាមផ្លូវច្បាប់។សមត្ថកិច្ចដែលចុះបង្ក្រាបបានប្រាប់អ្នកសារព័ត៌មានឱ្យដឹងថា៖រថយន្តប្រភេទសាំយ៉ុងដឹកគ្រឿងសង្ហារឹមចំនួន៥គ្រឿងនេះតែងតែដឹកជញ្ជូនអនុផលព្រៃឈើកែច្នៃចេញពីរោងសិប្បកម្មមួយកន្លែងឈ្មោះហ្វឿងនៅភូមិព្រែកសង្កាត់ស្ទឹងត្រែងក្រុងស្ទឹងត្រែងខេត្តស្ទឹងត្រែង។ ប្រភពបានបន្តថាៈម្ចាស់និងរោងសិប្បកម្មដ៏ធំនៅក្នុងក្រុងស្ទឹងត្រែងដែលសមត្ថកិច្ចក្នុងខេត្តស្ទឹងត្រែងមិនហ៊ានប៉ះពាល់សង្ស័យពាក់ព័ន្ធផលប្រយោជន៍។ចំពោះការដឹកជញ្ជូនឈើដែលប្រមូលទិញពីប្រភពខុសច្បាប់រថយន្តតូច,ម៉ូតូរ៉ឺម៉ក,ដឹកពីភូមិសាស្ត្រផ្សេងៗចូលទៅកែច្នៃក្នុងសិប្បកម្មធ្វើពាក់កណ្ដាលសម្រេចរួចហើយដាក់រថយន្តបន្តទៅលក់នៅក្រុងភ្នំពេញ៕
សមត្ថកិច្ចចុះបង្ក្រាបករណីជួញដូរផ្លូវភេទឃាត់ខ្លួន៦នាក់មានចិន៥នាក់
ភ្នំពេញ៖សមត្ថកិច្ចខណ្ឌសែនសុខសហការជាមួយកម្លាំងនគរបាលរាជធានីភ្នំពេញផ្នែកប្រឆាំងការជួញដូរមនុស្សនិងការពារអនិតិជនបានចុះបង្ក្រាបករណីជួញដូរផ្លូវភេទដោយឃាត់ខ្លួនជនប្រុសស្រីចំនួន៦នាក់។ករណីនេះបានធ្វើឡើងនៅក្នុងផ្ទះជួលលេខF១០២ផ្លូវបេតុងភូមិទ្រុងមាន់សង្កាត់អូរបែកក្អមខណ្ឌសែនសុខកាលពីម៉ោង១១យប់ថ្ងៃទី៤ខែធ្នូឆ្នាំ២០២០។ លោកវរសេនីយ៍ឯកហួរម៉េងវ៉ាងអធិការនគរបាលខណ្ឌបានឱ្យដឹងថា៖ការចុះបង្ក្រាបករណីនេះជាលទ្ធផលសមត្ថកិច្ចឃាត់ខ្លួនជនសង្ស័យ៦នាក់ក្នុងនោះជនជាតិចិន៥នាក់,វៀតណាមម្នាក់។លោកបានបន្តថាៈជនសង្ស័យទាំង៦នាក់៖ឈ្មោះ សៀ អ៊ីរុងភេទស្រីអាយុ៤៧ឆ្នាំជនជាតិចិនជាមេការហាងម៉ាស្សា ។ ឈ្មោះ ជាំង ហ៊ុយ ភេទស្រី អាយុ២៨ឆ្នាំ ជនជាតិចិនជាស្រីម៉ាស្សា,ឈ្មោះ ប៉ាក ផាសៀលី ភេទស្រី អាយុ២៦ឆ្នាំជនជាតិចិនជាស្រីម៉ាស្សា។ឈ្មោះជិនឈីងហ៊ានភេទប្រុសអាយុ៤៤ឆ្នាំជនជាតិចិនអ្នកលក់ដូរ,ឈ្មោះ ចូ ស៊ូឈាន ភេទប្រុស អាយុ៤៣ឆ្នាំ ជនជាតិចិនអ្នកលក់ដូរ,និងឈ្មោះ ង្វៀង ធីតុគុប ភេទស្រី អាយុ៣២ឆ្នាំ ជនជាតិវៀតណាមជាស្រីម៉ាស្សាពួកគេស្នាក់នៅកន្លែងឃាត់ខ្លួន៕