Month: September 2020

ខេត្តព្រះវិហារ ៖ កម្លាំងការិយាល័យទី២ របស់កងពលតូចអន្តរាគមន៍លេខ៨ បានធ្វើការឃាត់ខ្លួនជនសង្ស័យម្នាក់ ជាមន្ត្រីយោធានៅអង្គភាព វរសេនាតូច៣៨២ ករណីឃាត កម្មលើប្រពន្ធ រួចយកសពទៅកប់ក្រោយផ្ទះ។ សមត្ថកិច្ចបានឲ្យដឹងថា ហេតុការណ៍ខាងលើនេះបានកើតឡើងនៅភូមិស្ទឹងខៀវ ឃុំស្រអែម ស្រុកជាំក្សាន្ត ខេត្តព្រះវិហារ ជាប់ជាមួយនឹងព្រំប្រទល់ខេត្តឧត្តរមានជ័យ ខណៈដែលការចុះឃាត់ខ្លួនជនសង្ស័យ បានធ្វើឡើងនាថ្ងៃទី ២៤ ខែកញ្ញា ឆ្នាំ២០២០។ តាមរបាយការណ៍របស់សមត្ថកិច្ចកាលពីវេលាម៉ោង២១ះ០០នាទីថ្ងៃទី១៧ ខែកញ្ញា ឆ្នាំ២០២០ នៅចំណុចUTM (៤៥២៧៥១-១៥៧៦១៧៧) ចម្ងាយពីស្នាក់ការសន្តិសុខលេខ២០៦ របស់ខេត្តឧត្ដរមានជ័យស្ថិតនៅភូមិស្ទឹងខៀវ ឃុំស្រអែម ស្រុកជាំក្សាន្ត ខេត្តព្រះវិហារ មានករណីឃាតកម្ម មួយបានកើតឡើង ។ របាយការណ៍ដដែលបន្តថា មូលហេតុ ប្តីប្រពន្ធតែងតែមានការឈ្លោះប្រកែកគ្នា ជាហេតុធ្វើឲ្យប្តីទប់កំហឹងមិនបាន ស្ទុះទៅចាប់ជើង ប្រពន្ធដួលបោកក្បាលទៅនិងការូ បណ្ដាលឲ្យសន្លប់ រួចអូសចូលក្នុងបន្ទប់ទឹក ហើយចាប់ក្បាលអុក និងការូជាច្រើនដងបណ្តាលឲ្យស្លាប់នៅនឹងកន្លែង។ រហូតដល់យប់ថ្ងៃទី១៨ ខែកញ្ញា ឆ្នាំ២០២០ វេលាម៉ោង១៩ និង០០ នាទី ទើបជនសង្ស័យយកកន្ទេល មករុំសាកសព រួចយកទៅកប់នៅក្រោយផ្ទះចម្ងាយ៥០ម៉ែត្រ ដើម្បីបំបាត់ភស្តុតាង។ សូមជម្រាបថា ជនសង្ស័យមានតួនាទីជាអនុសេនីយ៍ឯក ស៊ិន […]

ខេត្តកំពង់ចាម ៖ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នៅព្រឹកថ្ងៃទី២៥ ខែកញ្ញា ឆ្នាំ២០២០នេះ បានដឹកនាំប្រជុំត្រួតពិនិត្យវឌ្ឍនភាពនៃការសាងសង់អគាររដ្ឋបាលថ្មីរបស់សាលាខេត្តកំពង់ចាម ដោយមានការអញ្ជើញចូលរួមពីឯកឧត្តម លោកជំទាវអភិបាលរងខេត្ត មន្ត្រីជំនាញពាក់ព័ន្ធ និងអ្នកទទួលការសាងសង់ នៅសាលាខេត្តកំពង់ចាម។ ឯកឧត្តមអភិបាលខេត្តបានណែនាំដល់ក្រុមហ៊ុនទទួលការសាងសង់ ត្រូវអនុវត្តតាមបទបដ្ឋានបច្ចេកទេស ដែលមានក្នុងកិច្ចសន្យាសាងសង់ ដើម្បីធានាបានគុណភាពសំណង់ និងត្រូវពន្លឿនការសាងសង់តាមកិច្ចសន្យាដែលបានកំណត់។ ជាមួយគ្នានេះ មន្ត្រីបច្ចេកទេស ត្រូវចុះពិនិត្យលក្ខណៈបច្ចេកទេសតាមជំហាននីមួយៗឲ្យស្របតាមលក្ខណៈបច្ចេកទេសសំណង់ ដើម្បីធានាបានគុណភាពរបស់សំណង់ផងដែរ។ គួររំលឹកដែលថា ដោយមើលឃើញពីការលំបាករបស់មន្ត្រីដែលកំពុងបម្រើការងារនៅសាលាខេត្ត និងដើម្បីផ្តល់កន្លែងសមរម្យជូនដល់មន្ត្រីក្នុងការបំពេញការងារប្រចាំថ្ងៃ សម្រាប់បម្រើសេវាសាធារណៈដល់បងប្អូនប្រជាពលរដ្ឋ និងសាធារណៈជនដែលមកទទួលសេវានៅសាលាខេត្ត ឯកឧត្តម អ៊ុន ចាន់ដា អភិបាលខេត្ត បានបន្តការសាងសង់អាគាររដ្ឋបាលថ្មីនេះ ដែលការដ្ឋានសាងសង់បានចាប់ផ្តើមកាលពីថ្ងៃទី១៨ ខែមិថុនាឆ្នាំ ២០២០កន្លងទៅ។ អគាររដ្ឋបាលថ្មីនេះមានទំហំបណ្តាយ ៥៣,២៥ ម ទទឹង ២៤ ម៉ែត្រ កម្ពស់៣ជាន់ ដែលប្រើប្រាស់គម្រោងថវិកាប្រចាំឆ្នាំរបស់រដ្ឋបាលខេត្ត៕

ភ្នំពេញ ៖ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន នៅរសៀលថ្ងៃអង្គារ ៥កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២២ ខែកញ្ញា ឆ្នាំ ២០២០ បានអនុញ្ញាតទទួលជួបពិភាក្សាការងារជាមួយ ឯកឧត្តម Pablo Chiho Kang ឯកអគ្គរដ្ឋទូតអូស្រ្តាលីប្រចាំកម្ពុជា នាទីស្តីការក្រសួងបរិស្ថាន។ ឯកឧត្តម Pablo Chiho Kang បានលើកឡើងពីកិច្ចសហប្រតិបត្តិការរវាងប្រទេសទាំងពីរកម្ពុជា-អូស្រ្តាលី តាមរយៈសកម្មភាពការងារដែលមានស្រាប់ ជាពិសេសការអភិវឌ្ឍធនធានមនុស្សដើម្បីរួមចំណែកអភិវឌ្ឍន៍ប្រទេសកម្ពុជា។ ទន្ទឹមនោះ ឯកឧត្តមឯកអគ្គរដ្ឋទូតអូស្រ្តាលី បានថ្លែងសាទរនូវលទ្ធផលការងារដែលកម្ពុជាខិតខំសម្រេចបានក្នុងវិស័យបរិស្ថាន នាពេលកន្លងមក។ ក្នុងឱកាសនោះ ឯកឧត្តម សាយ សំអាល់ បានលើកឡើងពីកិច្ចសហប្រតិបត្តិការលើផ្នែកអប់រំវិទ្យាសាស្រ្តលើវិស័យបរិស្ថាន។ ក្នុងនោះ ឯកឧត្តមរដ្ឋមន្រ្តីមានប្រសាសន៍លើកឡើងចំនុចសំខាន់ៗដូចជា ១- កិច្ចសហប្រតិបត្តិការបង្កើនចំណេះដឹងផ្នែកវិទ្យាសាស្រ្តទាក់ទងនឹងវិស័យបរិស្ថាន។ ២- កិច្ចសហប្រតិបត្តិការលើការសិក្សាស្រាវជ្រាវស្ថានភាពប្រព័ន្ធអេកូឡូស៊ីកម្ពុជា ដើម្បីរៀបចំជាគោលនយោបាយ និងផែនការយុទ្ធសាស្រ្តគ្រប់គ្រងបរិស្ថានឱ្យមានប្រសិទ្ធភាព។ ៣- ទស្សនកិច្ចសិក្សារផ្លាស់ប្តូរបច្ចេកទេស ជំនាញ ការស្រាវជ្រាវលើផ្នែកវិទ្យាសាស្រ្ត របស់និស្សិតកម្ពុជា និងអូស្រ្តាលី៕

ខេត្តស្វាយរៀង ៖ នៅថ្ងៃទី២៣ ខែកញ្ញា ឆ្នាំ២០២០  ឯកឧត្ដម ម៉ែន វិបុល អភិបាលខេត្តស្វាយរៀង និងជាប្រធានគណៈបញ្ជាការឯកភាពរដ្ឋបាលខេត្ត បានអញ្ជើញជាអធិបតីក្នុង កិច្ចប្រជុំបូកសរុបលទ្ធផលការងារប្រចាំត្រីមាសទី៣ និងលើកទិសដៅការងារត្រីមាសទី៤ ឆ្នាំ២០២០ របស់រដ្ឋបាលខេត្តស្វាយរៀង និងអញ្ជើញចូលរួមពីសំណាក់ឯកឧត្ដម លោកជំទាវ អភិបាលរងខេត្ត លោកនាយករដ្ឋបាលសាលាខេត្ត ឯកឧត្តមប្រធានសាលាដំបូងខេត្ត ឯកឧត្តមព្រះរាជអាជ្ញាអមសាលាដំបូងខេត្ត លោកស្នងការនគរបាលខេត្ត លោកមេបញ្ជាការរងតំបន់ប្រតិបត្តិការសឹករងស្វាយរៀង លោកមេបញ្ជាការរងកងរាជអាវុធហត្ថខេត្ត លោក លោកស្រី ប្រធានមន្ទីរ-អង្គភាពនានាជុំវិញខេត្ត លោកអភិបាលក្រុង/ស្រុកទាំង៨ លោកប្រធានស្នាក់ការច្រកទ្វាអន្តរជាតិបាវិត លោក លោកស្រី នាយកទីចាត់ការ/ប្រធានអង្គភាពចំណុះសាលាខេត្ត និងមន្ត្រីពាក់ព័ន្ធមួយចំនួន ។ មានប្រសាសន៍ក្នុងកិច្ចប្រជុំនេះ ឯកឧត្ដមអភិបាលខេត្តបានថ្លែងនូវការកោតសរសើរអរគុណចំពោះកងកម្លាំងមានសមត្ថកិច្ច ប្រធានគណៈបញ្ជាការឯកភាព ក្រុង ស្រុក និងអាជ្ញាធរពាក់ព័ន្ធទាំងអស់ ក្នុងឱកាសកាន់បិណ្ឌ និងភ្ជុំបិណ្ឌ បានយកចិត្តទុកដាក់លើការងារពង្រឹងសន្តិសុខសុវត្ថិភាពជូនដល់ប្រជាពលរដ្ឋបានល្អប្រសើរ ជាពិសេស ការចូលរួមផ្សព្វផ្សាយក្នុងការបង្ការទប់ស្កាត់ការឆ្លងរាលដាលនៃជំងឺកូវីដ-១៩នៅតាមមូលដ្ឋាននានាក្នុងខេត្ត។ នាឱកាសនោះ ឯកឧត្តមអភិបាលខេត្តបានដាក់ចេញនូវទិសដៅ និងចំណុចសំខាន់ៗមួយចំនួនដូចជា ៖ ១- រដ្ឋបាលខេត្ត និងរៀបចំដាក់អំពូលភ្លើងបំភ្លឺផ្លូវសាធារណៈដែលបានដាច់ដោយកន្លែងនៅក្នុងក្រុងស្វាយរៀងឡើងវិញ ក្នុងនោះក៏មានថែមនូវបង្គោលភ្លើងនៅតាមបណ្តាផ្លូវសំខាន់ៗមួយចំនួនទៀត ចាប់ពីថ្ងៃទី០១ ខែតុលា ឆ្នាំ២០២០តទៅ។ […]

ខេត្តពោធិ៍សាត់ ៖ ឯកឧត្តម ម៉ៅ ធនិន អភិបាលខេត្តពោធិ៍សាត់ នាព្រឹកថ្ងៃទី២២ ខែកញ្ញា ឆ្នាំ២០២០នេះ បានបន្តដឹកនាំកម្លាំងចម្រុះចុះអន្តរាគមន៍ជួយសង្គ្រោះ និងនាំយកស្បៀងចែកជូនបងប្អូនប្រជាពលរដ្ឋ ដែលរងគ្រោះដោយសារជំនន់ទឹកភ្លៀង។ បើតាមលោក កែវ វ័យ ប្រធានមន្ទីរធនធានទឹក និងឧតុនិយម ខេត្តពោធិ៍សាត់បានបញ្ជាក់ឱ្យដឹង នាព្រឹកថ្ងៃទី២២ ខែកញ្ញា ឆ្នាំ២០២០នេះថា ស្ថានភាពទឹកស្ទឹងពោធិ៍សាត់ មានកម្ពស់ ៥.៤៥ម៉ែត្រ (កម្ពស់ប្រកាសអាសន្ន ៥ម៉ែត្រ), ស្ទឹងក្រវាញ មានកម្ពស់ ៤.៧២ (កម្ពស់ប្រកាសអាសន្ន ៦ម៉ែត្រ) និងស្ទឹងវាលវែង មានកម្ពស់ ១.៧២ម៉ែត្រ (កម្ពស់ប្រកាសអាសន្ន ១០ម៉ែត្រ)។ ចំពោះស្ថានភាពទឹកស្ទឹងពោធិ៍សាត់ នៅស្ទឹងក្រវាញ ចាប់ផ្តើមស្រក ១.៤ម៉ែត្រ ដោយឡែកស្ទឹងក្រុងពោធិ៍សាត់ នៅនឹងដដែល គឺ៥.៤៥ម៉ែត្រ។ លោកប្រធានមន្ទីរបន្តថា ប្រសិនបើផ្នែកខាងលើ នៃស្រុកវាលវែង និងភ្នំក្រវាញ មិនមានភ្លៀងធ្លាក់ទៀតទេ កម្ពស់ទឹកស្ទឹងក្នុងក្រុងពោធិ៍សាត់ នឹងបន្តស្រកចុះជាបន្តបន្ទាប់។ បច្ចុប្បន្នជំនន់ទឹកភ្លៀង បាននឹងកំពុងដាក់សម្ពាធមកលើក្រុងពោធិ៍សាត់ និងផ្នែកខ្លះនៅស្រុកភ្នំក្រវាញ និងស្រុកកណ្តៀង។ សូមបញ្ជាក់ថា កាលពីល្ងាចថ្ងៃទី២០ […]

ខេត្តសៀមរាប ៖ ឧត្តមសេនីយ៍ឯក កែវ ធី មេបញ្ជាការរងកងទ័ពជើងគោក មេបញ្ជាការកងពលធំអន្តរាគមន៍លេខ២កាលពីថ្ងៃទី២១ ខែកញ្ញា ឆ្នាំ២០២០ បានប្រគល់ថវិកាមូលនិធិគន្ធបុប្ផាកម្ពុជា ជូនដល់មន្ទីរពេទ្យគន្ធបុប្ផា ជ័យវរ្ម័នទី៧ ខេត្តសៀមរាប ចំនួន ៣២១,០៣៥,០០០រៀល។ នៅក្នុងពិធីនោះដែរ ឧត្តមសេនីយ៍ឯក កែវ ធី បានមានប្រសាសន៍ថានេះជាលើកទី២ ហើយដែលកងពលធំអន្តរាគមន៍លេខ២ បាននាំយកនូវថវិកាដែលបានមកពីការស័្មគ្រចិត្តចូលរួមវិភាគទានរបស់នាយទាហាន ពលទាហាន ដែលស្របនឹងអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែរបានថ្លែងក្នុងពិធីសម្ពោធឲ្យដំណើរការជាផ្លូវការនៃ មូលនិធិគន្ធបុប្ផាកម្ពុជា កាលពីថ្ងៃទី១១ ខែមេសា ឆ្នាំ២០១៨។ ជាមួយគ្នានោះដែរលោកមេបញ្ជាការ ក៏បានធ្វើការកោតសរសើរខ្ពស់ចំពោះថ្នាក់ដឹកនាំគ្រប់ជាន់ថ្នាក់ ជាពិសេសថ្នាក់ដឹកនាំមន្ទីរពេទ្យគន្ធបុប្ផា ព្រមទាំងលោកគ្រូ អ្នកគ្រូ និងបុគ្គលិកទាំងអស់ ដែលបានខិតខំប្រឹងប្រែងបំពេញភារកិច្ចលើការងារមនុស្សធម៌បានយ៉ាងល្អដើម្បី ជួយសង្គ្រោះអាយុជីវិតកុមារនៅកម្ពុជា ហើយការងារដ៏វិសេសវិសាលនេះត្រូវបានប្រជាពលរដ្ឋផ្ដល់ការគាំទ្រ និងជឿទុកចិត្តយ៉ាងខ្លាំងរហូតមកដល់ពេលបច្ចុប្បន្ននេះ។ គួរជម្រាបជូនថា គិតមកដល់ពេលនេះ ថវិកាមូលនិធិគន្ធបុប្ផាកម្ពុជា ដែលបានមកពីការស័្មគ្រចិត្តចូលរួមវិភាគទានរបស់នាយទាហាន ពលទាហាន នៃកងពលធំអន្តរាគមន៍លេខ២ សរុបមានចំនួន៥៦៦,១១០,០០០រៀល ត្រូវបានប្រគល់ជូនដល់មន្ទីរពេទ្យគន្ធបុប្ផា ជ័យវរ្ម័នទី៧ ខេត្តសៀមរាប៕

ភ្នំពេញ ៖ នាព្រឹកថ្ងៃទី២១ ខែកញ្ញា ឆ្នាំ២០២០ ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានអនុញ្ញាតឲ្យ លោកស្រី Portia Clare Stratton ប្រធានគម្រោងសកម្មភាពមីន នៃជំនួយប្រជាជនន័រវេស្ស (NPA) ចូលជួបសម្តែងការគួរសម និងពិភាក្សាការងារ ស្តីពីវិស័យសកម្មភាពមីននៅកម្ពុជា​និងបានជម្រាបពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្រោមការដឹកនាំដ៏ខ្ពង់ខ្ពស់របស់ សម្តេចតេជោ នាយករដ្ឋមន្រ្តី ដែលបានដាក់ចេញនូវចក្ខុវិស័យ និងផែនការយុទ្ធសាស្ត្រយ៉ាងច្បាស់លាស់ ដូចមានចែងក្នុងផែនការយុទ្ធសាស្រ្តជាតិសកម្មភាពមីន២០១៨-២០២៥។ ឯកឧត្តមទេសរដ្ឋមន្រ្តីក៏បានបញ្ជាក់បន្ថែមថា អង្គការ NPA បានចូលរួមការងារសកម្មភាពមីននៅកម្ពុជា អស់រយៈពេលជាងទសវត្សរ៍ ក្នុងនោះរួមមានការបោសសម្អាតមីននិងគ្រាប់បែកចង្កោម ការលើកកម្ពស់សមត្ថភាពថ្នាក់ជាតិនិងការបង្ហាត់សុនខហិតមីននៅកម្ពុជាផងដែរ។ លោកស្រី Portia Stratton បានកោតសរសើរ និងវាយតម្លៃខ្ពស់ចំពោះរាជរដ្ឋាភិបាលកម្ពុជា ដែលមានឆន្ទៈ និងគោលដៅច្បាស់លាស់ ដើម្បីដោះស្រាយសំណល់ជាតិផ្ទុះពីសង្រ្គាមនៅកម្ពុជា។ លោកស្រី បានបង្ហាញអំពីការតាំងចិត្តរបស់រាជរដ្ឋាភិបាល និងប្រជាជនន័រវេស្ស តាមរយៈអង្គការ NPA នឹងបន្តជួយគាំទ្រដល់រាជរដ្ឋាភិបាលកម្ពុជា តាមរយៈអាជ្ញាធរមីន ក្នុងការងារបោសសម្អាតមីនមនុស្សធម៌ ស្របតាមគោលដៅរបស់រាជរដ្ឋាភិបាលកម្ពុជា គ្មានមីននៅឆ្នាំ២០២៥។ ឆ្លៀតក្នុងឱកាសនោះ ក្នុងនាមសម្តេចតេជោ នាយករដ្ឋមន្រ្តី និងជាប្រធានអាជ្ញាធរមីន ឯកឧត្តមទេសរដ្ឋមន្រ្តី […]

ភ្នំពេញ ៖ យោងតាមរបាយការណ៍របស់នាយកដ្ឋានបង្ការ ពន្លត់អគ្គិភ័យ និងសង្គ្រោះនៃអគ្គស្នងការដ្ឋាននគរបាលជាតិបានឲ្យដឹងថា នៅក្នុងរយៈពេល៣ថ្ងៃ នៃពិធីបុណ្យភ្ជុំបិណ្ឌ មានហេតុការណ៍អគ្គិភ័យកើតឡើងចំនួន ៨លើក បង្កការឆាបឆេះខូចខាតទ្រព្យសម្បតិ្តមួយចំនួនធំ ប៉ុន្តែមិនបានបណ្តាលឱ្យមនុស្សណាម្នាក់រងគ្រោះថ្នាក់ ឬបានបាត់បង់ជីវិតនោះទេ។ យោងតាមរបាយការណ៍របស់ នាយកដ្ឋានបង្ការ ពន្លត់អគ្គិភ័យ និងសង្គ្រោះនៃអគ្គស្នងការដ្ឋាននគរបាលជាតិ នៅថ្ងៃទី ២០កញ្ញាបានបង្ហាញឱ្យដឹងថា ក្នុងរយៈពេល ៣ថ្ងៃរវាងពីថ្ងៃទី ១៦ដល់ ១៨កញ្ញាឆ្នាំ២០២០ គ្រោះអគ្គិភ័យបានកើតឡើងនៅក្នុងខេត្តមួយចំនួន រួមមាន ៖ ខេត្តព្រៃវែងកើតឡើង ១លើក, ខេត្តកណ្តាល១លើក, ខេត្តសៀមរាប១លើក, ខេត្តកំពង់ចាម១លើក, ខេត្តត្បូងឃ្មុំ១លើក, ខេត្តព្រះវិហារ២លើក និងខេត្តតាកែវ ១លើក។ តាមរបាយការណ៍ដដែលបង្ហាញថា ការឆាបឆេះទាំងនោះ គឺបង្កឡើងដោយសារការឆ្លងចរន្តអគ្គិសនី និងការប្រើប្រាស់ភ្លើង។ ការឆាប ឆេះទាំងនោះ បានបំផ្លិចបំផ្លាញ លំនៅឋានប្រជាពលរដ្ឋចំនួន ៥ខ្នង , កុដិលោក ១ខ្នង, សាលាឆាន់ ១ខ្នង, យានដ្ឋាន ១កន្លែង។ ដោយឡែកការឆាបឆេះមួយដែលបានកើតឡើងនៅក្នុងផ្សារសំរោងយ៉ោង ខេត្តតាកែវ នៅក្នុងថ្ងៃទី១៧កញ្ញា បានបំផ្លិចបំផ្លាញតូបលក់ដូរក្នុងផ្សារអស់ចំនួន២៣០តូបក្នុងចំណោមតូបសរុប ដែលមានចំនួន ២៨៣តូប៕ […]

ភ្នំពេញ ៖ ក្នុងរយៈពេល៣ថ្ងៃ ចាប់ពីថ្ងៃទី១៦-១៨ ខែកញ្ញា ឆ្នាំ២០២០ អំឡុងពិធីបុណ្យភ្ជុំបិណ្ឌនេះ មានចំនួនប្រមាណ១.១១២.៤០៣ នាក់បានធ្វើដំណើរកម្សាន្តនៅតាមគោលដៅ ទេសចរណ៍នានាទូទាំងប្រទេស។ នេះបើតាមការបញ្ជាក់របស់ ឯកឧត្តម ថោង ខុន រដ្ឋមន្ត្រីក្រសួងទេសចរណ៍។ ឯកឧត្តមរដ្ឋមន្រ្តីបានបញ្ជាក់ទៀតថា ក្នុងចំណោមភ្ញៀវទេសចរ ជាង១លាននាក់ ដែលបានធ្វើដំណើរកម្សាន្ត រួមមាន ៖ ភ្ញៀវជាតិមានចំនួនប្រមាណ ១.១០៥.៦១១ នាក់ និងភ្ញៀវអន្តរជាតិមានចំនួនប្រមាណ ៦.៧៩២ នាក់។ ខេត្តដែលទទួលបានភ្ញៀវទេសចរច្រើន រួមមាន ៖ ១, ខេត្តបាត់ដំបង ១៣៤.៤៤០ នាក់ ២, ខេត្តសៀមរាប ១២២.៣៧០ នាក់ ៣, ខេត្តកំពត ៩៤.៤៧៩ នាក់ ៤, ខេត្តកំពង់ឆ្នាំង ៨៥.៥៩៧ នាក់ ៥, ខេត្តពោធិ៍សាត់ ៧២.៣៨៩ នាក់ ៦, ខេត្តព្រះសីហនុ ៦៥.៨២៥ នាក់ ៧, ខេត្តកែប […]

រហូតដល់ម៉ោង​០៧:៣០​ព្រឹក​ថ្ងៃទី១៩កញ្ញា២០២០​យើងពុំរកឃើញករណីជំងឺកូវីដ-១៩​ថ្មី​ទេ។ដូច្នេះចំនួនសរុប​ ២៧៥នាក់​ដដែល​ចំនួនសំរាកនៅពេទ្យ​១នាក់​​ចំនួនជាសះស្បើយសរុប​ចំនួន២៧៤នាក់​​និងស្លាប់គ្មាន​ ។ជំងឺកូវីដ-១៩​ នៅតែបន្តគម្រាមកំហែងយើងជាប់ជានិច្ច​សូមបងប្អូនបន្តប្រយ័ត្ន!ជាប់ជានិច្ចដោយអនុវត្តអនាម័យ​នៅឃ្លាតឆ្ងាយពីគ្នា​ មិនចេញក្រៅផ្ទះបើមិនចាំបាច់​ព្រោះប្រទេសជិតខាងយើងនិងពិភពលោកកំពុងបន្តរាតត្បាតជំងឺកូវីដ១៩​ ដ៏ខ្លាំងក្លានៅឡើយ​។យើងត្រូវបន្តអនុវត្តគម្លាតសង្គមបន្តទៀត​ដូចជាពន្យារការរៀបអាពាហ៍ពិពាហ៍ពិធីជប់លៀង​ ការចាក់ធុងបាសរាំ​។ល។យើងត្រូវបន្តគម្លាតបុគ្គលបន្តទៀត​ដូចជា​អង្គុយគម្លាតពីគ្នា​ឈររង់ចាំគម្លាតពីគ្នា​ ឈរជជែកគ្នាគម្លាតពីគ្នា​។ល។យើងត្រូវបន្តពាក់ម៉ាសនៅពេលចាំបាច់​និងឧស្សាហ៍លាងដៃជាមួយសាប៊ូ​ អាល់កុល​ ឬជែល​ ។សូមបញ្ជាក់ថា​ប្រទេសយើងរកឃើញករណីជំងឺកូវីដ១៩ដំបូងបំផុតនៅថ្ងៃទី​ ២៧​ មករា​ ២០២០​ ។ ព័ត៌មានបន្ថែមសូមទាក់ទងលេខ​១១៥