បាត់ដំបង៖ តំណាងអន្តរក្រសួងនិងមន្ទីរពាក់ព័ន្ធចំនួន៥មាន៖ បរិស្ថាន ,កសិកម្ម ,ធនធានទឹក ,សង្គមកិច្ចនិង អតីតយុទ្ធជន ,និង ឧស្សាហកម្មវិទ្យាសាស្ត្រ និងនវា នុវត្តន៍ បានចុះវាយតម្លៃផលប៉ះពាល់ និង ចង្អុលបង្ហាញនូវកំហុសឆ្គង និង កង្វះខាត របស់ក្រុមហ៊ុនអឺកាងខេមបូឌៀគ្រុប មានទីតាំងនៅស្រុករតនមណ្ឌល ខេត្ត បាត់ដំបង ដែលបានធ្លាយ សារធាតុកខ្វក់ចូលស្ទឹងសង្កែនាពេលកន្លងមក។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMUptQWc9PSIsImV4cCI6bnVsbCwicHVyIjoiYmxvYl9pZCJ9fQ==--8867f118e0c0ab4fcede647a9febf23d55d3e2c2/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/86AF2962-DDD5-42F7-8960-7991FFB.jpeg)
លោក កត បូរាណ ប្រធានមន្ទីរបរិស្ថានខេត្តបាត់ដំបងបានឲ្យដឹងថា កិច្ចប្រជុំខាងលើនេះបានធ្វើឡើងនៅទីស្នាក់ការក្រុមហ៊ុនផ្ទាល់នៅស្រុករតនមណ្ឌល តាំងពីម៉ោង៩ព្រឹកដល់ ម៉ោងជាង២ រសៀលថ្ងៃទី១៧ ខែមិថុនា ។
លោកបញ្ជាក់ថាអន្តរក្រសួងចុះមកនេះដើម្បីបង្ហាញពីផលប៉ះពាល់ និង កំហុសឆ្គង និងកង្វះខាតឲ្យក្រុមហ៊ុនទទួលស្គាល់ ដើម្បីឲ្យកែលម្អ ហើយបន្តឈានទៅពិន័យនិងចាត់ការតាមផ្លូវច្បាប់។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMDltQWc9PSIsImV4cCI6bnVsbCwicHVyIjoiYmxvYl9pZCJ9fQ==--f66096fc9f8248250e508530154dc01d4a7ef1e7/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/1BD1BDA4-BAC7-4BCB-83B5-920BDEC.jpeg)
លោក កត បូរាណបានបង្ហាញពីកំហុសរបស់ក្រុមហ៊ុន អឺកាងខេមបូឌៀគ្រុប ដែលមានក្រុមហ៊ុនតូចៗ ចំនួនបួន កំពុងដំណើរការនោះ គឺកំហុសទី១ មិនទាន់មានច្បាប់អនុញ្ញាត នៅឡើយ តែដំណើរការមុន ទី២ ក្រុមហ៊ុនខាងលើបានពង្រីក សាខាបួនក្រុមហ៊ុនតូចៗ ដែល ក្រសួងពាក់ព័ន្ធទើបចុះវាយតម្លៃផលប៉ះពាល់នានា ទើបតែបានមួយក្រុមហ៊ុនប៉ុណ្ណោះ និង មានកង្វះខាតផ្សេងៗទៀត។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMDFtQWc9PSIsImV4cCI6bnVsbCwicHVyIjoiYmxvYl9pZCJ9fQ==--0ce4da226ccbd2017e2df6fa40ca41f43b140cb9/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/45F223E2-47E0-4DDE-BC7A-4D4E586.jpeg)
លោកប្រធានមន្ទីរបរិស្ថានបានឲ្យដឹងថាបន្ទាប់ពីប្រជុំវាយតម្លៃផលប៉ះពាល់និងបង្ហាញពីកំហុសឆ្គងនិង កង្វះខាតរបស់ក្រុមហ៊ុនខាងលើហើយ អន្តរក្រសួងនឹងតម្រូវឲ្យបំពេញនូវចំណុចខ្វះខាត ព្រមទាំងមានវិធានការផ្លូវច្បាប់ទៅលើក្រុមហ៊ុនខាងលើតាមក្រោយ ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMDVtQWc9PSIsImV4cCI6bnVsbCwicHVyIjoiYmxvYl9pZCJ9fQ==--89271532332257200fe0164e66590be4d8f63934/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/423970E7-004D-4B59-AEB6-5F95AAC.jpeg)
សូមបញ្ជាក់ថា កាលពីថ្ងៃទី ២៦ ខែឧសភា ក្រុមហ៊ុនឈ្មោះហ្វីនិក អ៊ិនដាស្រ្ទៀល (Phoenix Industrial) ក្នុងចំណោមក្រុមហ៊ុន៤របស់ ក្រុមហ៊ុន អឺកាងខេមបូឌៀគ្រុបមានទីតាំងនៅស្រុករតនមណ្ឌល ដែលផលិតសារធាតុរក្សាពណ៌ និងផលិតផលផ្សេងៗ បានធ្លាយសារធាតុពុល ចូលក្នុងទឹកស្ទឹង សង្កែប៉ែកខាងលើបណ្តាលឲ្យត្រីងាប់ពេញស្ទឹង ។ តាមការពិសោធន៍របស់ក្រសួងបរិស្ថាន បង្ហាញថា ជាតិពុលដែលបណ្តាលឲ្យត្រីងាប់ ក្នុងស្ទឹងសង្កែ ប៉ែកខាងលើនោះ គឺដោយសារមានសារធាតុអាស៊ីត ហើយភ្លាមៗអាជ្ញាធរនិងស្ថាប័នពាក់ព័ន្ធបានចុះឲ្យក្រុមហ៊ុនបិទខ្ទប់កន្លែងលេចធ្លាយនិងធ្វើការបន្សាបជាតិអាស៊ីតក្នុងទឹកស្ទឹងសង្កែ ដែលមកទល់ពេលនេះទឹកស្ទឹងលែងមានផលប៉ះពាល់ទៀតហើយ គឺវិលមកសភាពដើមវិញ ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMHhtQWc9PSIsImV4cCI6bnVsbCwicHVyIjoiYmxvYl9pZCJ9fQ==--0e42128d59dd93893eb49a29a7b050ee62164975/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/0D8D3FA2-3C06-4299-B8A2-3BF6E63.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMUJtQWc9PSIsImV4cCI6bnVsbCwicHVyIjoiYmxvYl9pZCJ9fQ==--659ff758559e87b1efe0881775a182042d83fb0e/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/04A45699-9EDE-4D5F-BF77-82DD2E7.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMUZtQWc9PSIsImV4cCI6bnVsbCwicHVyIjoiYmxvYl9pZCJ9fQ==--e7706dc6f92e4f0f9af00fbde70051e620b2d876/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/9E82FBDB-A78F-4FE0-8D07-FFA7E14.jpeg)