ព័ត៌មានជាតិ

ន័រវេស្សនឹងបន្តជួយកម្ពុជាតាមរយៈអាជ្ញាធរមីន ស្របតាមគោលដៅរបស់រាជរដ្ឋាភិបាលកម្ពុជាគ្មានមីននៅឆ្នាំ២០២៥

Posted on Author pda Comment(0)

ភ្នំពេញ ៖ នាព្រឹកថ្ងៃទី២១ ខែកញ្ញា ឆ្នាំ២០២០ ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានអនុញ្ញាតឲ្យ លោកស្រី Portia Clare Stratton ប្រធានគម្រោងសកម្មភាពមីន នៃជំនួយប្រជាជនន័រវេស្ស (NPA) ចូលជួបសម្តែងការគួរសម និងពិភាក្សាការងារ ស្តីពីវិស័យសកម្មភាពមីននៅកម្ពុជា​និងបានជម្រាបពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្រោមការដឹកនាំដ៏ខ្ពង់ខ្ពស់របស់ សម្តេចតេជោ នាយករដ្ឋមន្រ្តី ដែលបានដាក់ចេញនូវចក្ខុវិស័យ និងផែនការយុទ្ធសាស្ត្រយ៉ាងច្បាស់លាស់ ដូចមានចែងក្នុងផែនការយុទ្ធសាស្រ្តជាតិសកម្មភាពមីន២០១៨-២០២៥។

ឯកឧត្តមទេសរដ្ឋមន្រ្តីក៏បានបញ្ជាក់បន្ថែមថា អង្គការ NPA បានចូលរួមការងារសកម្មភាពមីននៅកម្ពុជា អស់រយៈពេលជាងទសវត្សរ៍ ក្នុងនោះរួមមានការបោសសម្អាតមីននិងគ្រាប់បែកចង្កោម ការលើកកម្ពស់សមត្ថភាពថ្នាក់ជាតិនិងការបង្ហាត់សុនខហិតមីននៅកម្ពុជាផងដែរ។

លោកស្រី Portia Stratton បានកោតសរសើរ និងវាយតម្លៃខ្ពស់ចំពោះរាជរដ្ឋាភិបាលកម្ពុជា ដែលមានឆន្ទៈ និងគោលដៅច្បាស់លាស់ ដើម្បីដោះស្រាយសំណល់ជាតិផ្ទុះពីសង្រ្គាមនៅកម្ពុជា។ លោកស្រី បានបង្ហាញអំពីការតាំងចិត្តរបស់រាជរដ្ឋាភិបាល និងប្រជាជនន័រវេស្ស តាមរយៈអង្គការ NPA នឹងបន្តជួយគាំទ្រដល់រាជរដ្ឋាភិបាលកម្ពុជា តាមរយៈអាជ្ញាធរមីន ក្នុងការងារបោសសម្អាតមីនមនុស្សធម៌ ស្របតាមគោលដៅរបស់រាជរដ្ឋាភិបាលកម្ពុជា គ្មានមីននៅឆ្នាំ២០២៥។

ឆ្លៀតក្នុងឱកាសនោះ ក្នុងនាមសម្តេចតេជោ នាយករដ្ឋមន្រ្តី និងជាប្រធានអាជ្ញាធរមីន ឯកឧត្តមទេសរដ្ឋមន្រ្តី បានផ្ញើលិខិតសម្តែងការសោកស្ដាយចំពោះមន្រ្តី NPA ពីរនាក់ គឺលោក Stephen “Luke” Atkinson និង លោក Trent Lee ដែលបានបាត់បង់ជីវិតនៅកោះសូឡូម៉ុន ដោយសារការផ្ទុះគ្រាប់បែក តាមរយៈ លោកស្រី Portia Clare Stratton ប្រធានគម្រោងសកម្មភាពមីននៃអង្គការ NPA ប្រចាំនៅកម្ពុជា៕

pda

Related Articles
ព័ត៌មានជាតិ

មិនទាន់ចាប់បានជនដែលបើកគោយន្តបុកមន្ត្រីឧទ្យានុរក្សម្នាក់នោះនៅឡើយទេ

Posted on Author pda

ព្រះវិហារ៖រហូតមកដល់ពេលនេះសមត្ថកិច្ចនៅមិនទាន់ចាប់បានជនជាឧក្រិដ្ឋកម្មបំផ្លាញព្រៃឈើដែលបើកគោយន្តបុកប៉ងសម្លាប់មន្ត្រីឧទ្យានុរក្សម្នាក់នៅឡើយទេ។មន្ត្រីឧទ្យានុរក្សនោះប្រចាំការនៅទីស្នាក់ការពើកដែនជម្រកសត្វព្រៃព្រៃឡង់បឹងពែរបានធ្លាក់ខ្លួនពិការតាំងពីខែកក្កដាឆ្នាំ២០២០កន្លងទៅ។ លោកមាសញឹមប្រធានការិយាល័យនៃមន្ទីរបរិស្ថានខេត្តព្រះវិហារបានដាក់ពាក្យបណ្តឹងទៅតុលាការលើជនឧក្រិដ្ឋកម្មបំផ្លាញព្រៃឈើដែលប៉ងធ្វើឃាតមន្ត្រីរបស់លោកនៅម្តុំដែនជម្រកសត្វព្រៃព្រៃឡង់បឹងពែរ។ ក្នុងខ្លឹមសានៃពាក្យបណ្តឹងលេខ០១៦/20បណដពឡ.បព.ចុះថ្ងៃទី២០ខែកក្កដាឆ្នាំ២០២០នោះបានបញ្ជាក់ថា៖កាលពីនៅថ្ងៃទី១៥ខែកក្កដាឆ្នាំ២០២០កន្លងទៅកម្លាំងមន្ត្រីឧទ្យានុរក្សប្រចាំកាទីស្នាក់ការពើកចំនួន២នាក់។ក្នុងនោះមានឈ្មោះឈុនបូរិននិងឈ្មោះអ៊ូលាងអ៊ាន់បានចុះល្បាតព្រៃនៅស្រែអណ្តូងជ្រៃU.T.M.០៥.៣៣៧៥៥_14.80.16.30.ស្ថិតក្នុងឃុំរៀបរយស្រុងរវៀងខេត្តព្រះវិហារ។ លោកប្រធានបានបន្តថា៖កម្លាំងក៏បានជួបជនសង្ស័យម្នាក់ដែលគេស្គាល់ឈ្មោះធុនម៉ុលបើកគោយន្តកន្ត្រៃដឹករណាយន្ត១គ្រឿងចេញពីក្នុងព្រៃតំបន់ដែនកាពារពេលនោះមន្ត្រីឩទ្យានុរក្សក៏បានហៅម្ចាស់គោយន្តដែលជាជនសង្ស័យឱ្យឈប់ដើម្បីសួរនាំតែម្ចាស់គោយន្តនោះមិនឈប់តែបែជាបង្កើនល្បឿនបន្ថែមទៅមុខទៀត។ ភ្លាមនោះជនសង្ស័យបានបើកគោយន្តតម្រង់សំដៅបំបុកទៅលើលោកឈួនបុរិនទាំងកម្រោលបំណងសម្លាប់មន្ត្រីឧទ្យានុរក្សម្នាក់នោះតែចៃដន្យមន្ត្រីរងគ្រោះគេចមិនផុតត្រូវគោយន្តជនសង្ស័យបុកត្រូវជើងរបស់លោកខាងស្តាំបណ្តាលឱ្យបាក់ធ្លាក់ខ្លួនពិការអស់១ជីវិត។   បន្ទាប់ពីធ្វើសកម្មភាពជនសង្ស័យបានរត់ចូលព្រៃរហូតមកដល់ពេលនេះសមត្ថកិច្ចមិនទាន់ចាប់ខ្លួនបាននៅឡើយទេ៕
ព័ត៌មានជាតិ

ប្រធានក្រុមការងាររាជរដ្ឋាភិបាល និងអាជ្ញាធរខេត្តចុះពិនិត្យការងារបូមទឹកស្តុកទុករបស់ប្រជាពលរដ្ឋនៅឃុំខ្សាច់អណ្ដែត

Posted on Author pda

ខេត្តក្រចេះ ៖ ដោយមានការគិតគូរ និងយកចិត្តទុកដាក់ខ្ពស់ពីសំណាក់រាជរដ្ឋាភិបាល និងដើម្បីឆ្លើយតបបញ្ហាខ្វះទឹកសម្រាប់ស្រោចស្របស្រូវប្រាំងនាពេលខាងមុខនេះ ប្រធានក្រុមការងារចុះជួយស្រុកឆ្លូងឯកឧត្ដម ឆាន់ សាផាន រដ្ឋខាធិការក្រសួងរៀបចំដែនដី នរគរូបនីយកម្ម និងសំណង់ ក៏ដូចជាអាជ្ញាធរខេត្តក្រចេះ ឯកឧត្ដម ហឿ ស៊ីយ៉ែម ប្រធានក្រុមប្រឹក្សាខេត្ត ឯកឧត្ដម វ៉ា ថន អភិបាលនៃគណៈអភិបាលខេត្តក្រចេះបានដឹកនាំក្រុមការងារអញ្ជើញចុះជួបសំណេះសំណាលសាកសួរសុខទុក្ខ និងពិនិត្យការងារបូមទឹកស្តុកទុករបស់មន្ទីរធនធានទឹក និងឧតុនិយមខេត្តដើម្បីអូសយកទឹកមករក្សាទុកសម្រាប់ជួយសង្គ្រោះស្រូវនៅដូវប្រាំងនាពេលខាងមុខ ដែលប្រជាពលរដ្ឋជួបការខ្វះខាតទឹកសម្រាប់ស្រោចស្រព្វ។ ការធ្វើការងារបែបនេះ គឺដោយសារឆ្នាំនេះទឹកទន្លេមេគ្គងមានកំរិតទាបមិនអាចនាំទឹកហូរចូលបំពេញ បឹង ត្រពាំង អាងស្តុក ដែលជាហេតុធ្វើឲ្យប្រជាពលរដ្ឋជួបបញ្ហាខ្វះទឹកសម្រាប់ស្រោចស្រព្វស្រូវប្រាំងនាពេលខាងមុខនេះ។ ការអញ្ជើញចុះជួបសំណេះសំណាល សាកសួរសុខទុក្ខ និងពិនិត្យការងារបូមទឹកស្តុកទុកប្រព្រឹត្តទៅនៅថ្ងៃទី០៣ តុលា ២០២០ នៅក្នុងភូមិថ្មី ឃុំខ្សាច់អណ្ដែត ស្រុកឆ្លូង ខេត្តក្រចេះ។ មានប្រសាសន៍សំណេះសំណាលទៅកាន់បងបង្អូនប្រជាកសិករ ឯកឧត្ដម ឆាន់ សាផាន ប្រធានក្រុមការងាររាជរដ្ឋាភិបាលបានបញ្ជាក់ថា រាជរដ្ឋាភិបាលដែលមានសម្ដេចអគ្គមហាសេនាបតីតេជោ ហ៊ុន សែន ជាប្រមុខដឹកនាំតែងតែគិតគូរខ្ពស់ចំពោះសុខទុក្ខ និងជីវភាពរស់នៅរបស់ប្រជាពលរដ្ឋគ្រប់ៗរូប ហើយមានចក្ខុវិស័យវែងឆ្ងាយ ក្នុងការដឹកនាំប្រទេសឲ្យមានការអភិវឌ្ឍន៍រីកចម្រើនលើគ្រប់វិស័យ និងឲ្យប្រទេសជាតិទទួលបាននូវសុខសន្តិភាព ស្ថិរភាពសង្គម ពេញបរិបូណ៍ជូនប្រជាពលរដ្ឋខ្មែរឲ្យរស់ក្រោមដំបូលសន្តិភាពរហូតមកដល់បច្ចុប្បន្ន។ ជាមួយគ្នានោះ ឯកឧត្តមមានប្រសាសន៍ក្រើនរំលឹកដល់ប្រជាកសិករយើងត្រូវចេះពិនិត្យមើលស្ថានភាពនៃការបង្កបង្កើនដូចជាការជ្រើសរើសពូជស្រូវមើលពីប្រភពទឹក ឬបង្វែរពីការធ្វើស្រូវទៅជាដាំដំណាំ […]
ព័ត៌មានជាតិ

អភិបាលខេត្តស្វាយរៀងអញ្ជើញទទួលអំណោយសប្បុរសធម៌ពីលោកឧកញ៉ា សុក រ៉ាដូ ប្រធានសភាពាណិជ្ជកម្មខេត្ត

Posted on Author pda

ខេត្តស្វាយរៀង​ ៖ នាព្រឹកថ្ងៃសៅរ៍ ៨កើត ខែកត្កិក ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៤ ខែតុលា ឆ្នាំ២០២០នេះ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញទទួលអំណោយ សប្បុរសធម៌ពីលោកឧកញ៉ា សុក រ៉ាដូ ប្រធានសភាពាណិជ្ជកម្មខេត្តស្វាយរៀង និងសហការី ដែលបានជួយឧបត្ថម្ភគ្រឿងឧបភោគ បរិភោគមួយចំនួន ដូចជា អង្ករ ៥តោន មីខ្លាឃ្មុំ ៥០កេស តង់១០០តង់ សាប៊ូលាងចាន ៤៣២ដប និងថវិកាចំនួន ៤លានរៀល ជូនដល់រដ្ឋបាលខេត្តស្វាយរៀង សម្រាប់ការងារមនុស្សធម៌ និងការងារគ្រប់គ្រងគ្រោះមហន្តរាយក្នុងខេត្ត ។ មានប្រសាសន៍ក្នុងឱកាសនោះ ឯកឧត្តម អភិបាលខេត្តបានថ្លែងនូវការអគុណចំពោះប្រធានសភាពាណិជ្ជកម្មខេត្ត និងសហការី ដែលតែងតែជួយឧបត្ថម្ភគាំទ្រទាំងសម្ភារ និងថវិកាជាបន្តបន្ទាប់ដល់រដ្ឋបាលខេត្ត ទាំងនេះជាកាយវិការប្រកបដោយទឹកចិត្តសប្បុរសធម៌តាមរយៈរដ្ឋបាលខេត្តនាពេលនេះ ដើម្បីចែកបន្តជូនដល់ប្រជាពលរដ្ឋ ដែលមានជីវភាពខ្វះខាត និងរងគ្រោះដោយសារគ្រោះធម្មជាតិ ក៏ដូចជាប្រជាពលរដ្ឋដែលជួបការលំបាកក្នុងបរិបទ នៃជំងឺកូវីដ-១៩ នៅក្នុងមូលដ្ឋានខេត្តស្វាយរៀង៕

Leave a Reply

Your email address will not be published. Required fields are marked *