កំពង់ចាម៖កម្លាំងប្រឆាំងគ្រឿងញៀនខេត្តបានចុះធ្វើរដ្ឋបាលរកឃើញករណីជួញដូររក្សាទុកនិងប្រើប្រាស់ នូវសារធាតុញៀនឃាត់ខ្លួនជនសង្ស័យ១០នាក់ក្នុងនោះមានស្រី៦នាក់នៅភូមិស្ពឺ(ក)ឃុំជយោស្រុកចម្ការលើ ខេត្តកំពង់ចាមកាលពីយប់ថ្ងៃទី២៤ខែមករា ឆ្នាំ២០២១ ។
លោកឧត្តមសេនីយ៍ត្រី ជីវសេងរស់ស្នងការរងទទួលការងារប្រឆាំងគ្រឿងញៀនខេត្តកំពង់ចាម បានឱ្យដឹងថា ជនសង្ស័យរួមមាន ៖១-ឈ្មោះ អីទ្រេះ វ៉ារី ភេទប្រុស អាយុ ៣១ឆ្នាំ។២-ឈ្មោះ ឌឹក រ៉ែន ភេទស្រី អាយុ ២២ឆ្នាំ ។៣-ឈ្មោះ ស៊ីម ផល្លី ភេទប្រុស អាយុ ៣១ឆ្នាំ។៤-ឈ្មោះ អូន ស៊ីណា ហៅស្រីមុំ ភេទស្រី អាយុ ២៨ឆ្នាំ ។៥-ឈ្មោះ ឌឹក ស្រីនួន ភេទស្រី អាយុ ២៨ឆ្នាំ។
៦-ឈ្មោះ អុក ចិន្ដា ភេទស្រី អាយុ៣១ឆ្នាំ ។៧-ឈ្មោះ រ៉េត បូរ៉ា ភេទប្រុស អាយុ២៦ឆ្នាំ។៨-ឈ្មោះ លី តូច ហៅស្រីលីន ភេទស្រី អាយុ ២២ឆ្នាំ។៩-ឈ្មោះ ថៃ បូរិន ភេទប្រុស អាយុ៤១ឆ្នាំម្ចាស់ផ្ទះសំណាក់ ថៃ បូរិន និងខារ៉ាអូខេ ណាកាហ្សាKTV)។១០-ឈ្មោះ អឿ នឿន ភេទស្រី អាយុ៣៨ឆ្នាំ។
ដកហូតវត្ថុតាងរួមមាន ៖ ម្សៅក្រាមពណ៌សសង្ស័យជាថ្នាំញៀនចំនួន៣កញ្ចប់ ទូរស័ព្ទដៃចំនួន៩គ្រឿង និងសម្ភារសេពគ្រឿងញៀនមួយចំនួន។បច្ចុប្បន្នជនសង្ស័យរួមនិងវត្ថុតាងជំនាញបាននាំមកការិយាល័យប្រឆាំងគ្រឿងញៀនដើម្បីចងក្រងសំណុំរឿងតាមនីតិវិធីច្បាប់ ៕
